ജയറാം ചിത്രത്തിലൂടെ സുരേഷ് ഗോപിയുടെ തിരിച്ചുവരവ്‌

ജോഷി സംവിധാനം ചെയുന്ന ജയറാം ചിത്രമായ "സലാം കാശ്മീർ " സുരേഷ് ഗോപിയുടെ മടങ്ങി വരവിനു വഴി ഒരുക്കുന്നു.
കിംഗ്‌ ആൻഡ്‌ കമ്മീഷണർ എന്ന ചിത്രത്തിന് ശേഷം ടി വി ഷോയിൽ മാത്രം ഒതുങ്ങി കൂടിയ ഈ സൂപ്പർസ്റ്റാർ നീണ്ട ഒരു വർഷ കാലയളവിന്നു ശേഷം ആണ് ഒരു സിനിമയിൽ അഭിനയിക്കുന്നത്.
സുരേഷ് ഗോപി ഒരു അച്ചായാൻ കഥാപാത്രത്തെ ആണ് ഈ സിനിമയിൽ അവതരിപ്പിക്കുന്നത്‌ എന്ന് കേൾക്കുന്നു. ജോഷിയുടെ തന്നെ "ലേലം" എന്ന ചിത്രത്തിലെ ചാക്കോച്ചി എന്ന അച്ചായാൻ കഥാപാത്രത്തെ അവിസ്മരണീയമാക്കിയ സുരേഷ് ഗോപി ആ വിജയം വീണ്ടും ആവർത്തിക്കാൻ ഒരുങ്ങുകയാണ് 'സലാം കാശ്മീർ' ലൂടെ. 
ജയറാം - സുരേഷ് ഗോപി കൂട്ടുകെട്ടിൽ പിറന്ന ചിത്രങ്ങൾ എല്ലാം തന്നെ മികച്ചവ ആയിരുന്നു.. പദ്മരാജന്റെ "ഇന്നലെ " യിൽ തുടങ്ങി സിബി മലയിലിന്റെ 'സമ്മർ ഇന് ബെത്ലെഹേം' വരെ ഈ വിജയം ആവർത്തിക്കാൻ  ഈ കൂട്ട് കെട്ടിന് സാധിച്ചിട്ടുണ്ട്. ജോഷി സംവിധാനം ചെയ്ത താര സംഗമ ചിത്രം ആയ 'ട്വന്റി ട്വന്റി ' ആണ് ഇരുവരും അവസാനം അഭ്രപാളിയിൽ ഒരുമിച്ചു എത്തിയ ചിത്രം.

മിയ ജയറാമിന്റെ നായിക

നവാഗതർക്ക് സ്വാഗതം, ഡോക്ടർ ലവ്, ചേട്ടായീസ്, റെഡ് വൈൻ എന്നിവയിൽ നായിക നിരയിൽ തിളങ്ങിയ മിയ , ജോഷി സംവിധാനം ചെയ്യുന്ന  സലാം കാശ്മീർ ൽ ജയറാമിന്റെ നായിക ആവുന്നു.
ഇത് ആദ്യമായാണ് മിയ ഒരു  മുൻനിര  നായക നടന്റെ നായിക ആവുന്നത്. സേതു ആണ് ചിത്രത്തിന്റെ രചന നിർവഹിക്കുന്നത്. കുടുംബ പ്രേക്ഷകരുടെ ഇഷ്ട നടൻ ആയ ജയറാമിന്റെ നായിക ആയതു വഴി കുടുംബ പ്രേക്ഷകർക്ക്‌ ഇടയിൽ തനിക്കും ഒരു സ്ഥാനം ഉറപ്പിക്കാൻ കഴിയുമെന്നു ഈ നടി വിശ്വസിക്കുന്നു. മെമ്മറീസ് , എട്ടേകാൽ സെക്കന്റ്‌ എന്നിവയാണ് മിയയുടെ പുറത്തു ഇറങ്ങാൻ ഇരിക്കുന്ന മറ്റു ചിത്രങ്ങൾ.

ജയറാം - കമൽ ടീമിന്റെ " നടൻ"

സ്വപ്ന സഞ്ചാരിയുടെ വിജയത്തിന് ശേഷം ജയറാമും കമലും വീണ്ടും ഒന്നിക്കുകയാണ് ' നടൻ ' എന്ന ചിത്രത്തിലൂടെ.
മലയാളത്തിലെ ആദ്യ സിനിമയുടെ കഥ പറഞ്ഞ സെല്ലുലോയിട്‌ എന്ന വിജയ ചിത്രത്തിന് ശേഷം മലയാള നാടകങ്ങളുടെ ചരിത്രം പറയാൻ ഒരുങ്ങുകയാണ് കമൽ ഈ ചിത്രത്തിലൂടെ.
ജയറാം ഒരു നാടക ട്രൂപ്പ് ഉടമയും, പ്രധാന നടനും  ആയ  ഒരു കഥാപാത്രത്തെയാവും  അവതരിപ്പിക്കുക. എസ്. സുരേഷ് ബാബുവിന്റെതാണ്  ചിത്രത്തിന്റെ തിരക്കഥ .
ചിത്രത്തിന്റെ ഷൂട്ടിംഗ് ഓഗസ്റ്റ്‌  മാസം ആരംഭിക്കും.

ജയറാം പിന്നണി ഗാന രംഗത്തേക്ക്...

മോഹൻലാലിൻറെ "ആറ്റുമണൽ" എന്ന  ഹിറ്റിന് പിന്നാലെ മറ്റു പ്രമുഖ നടന്മാരും പിന്നണി ഗാന രംഗത്തേക്ക് ഒരു കൈ പയറ്റാൻ തുടങ്ങി.സൌണ്ട് തോമയിലൂടെ ദിലീപും , abcd  യിലൂടെ ദുൽഖരും  പിന്നണി ഗാന രംഗത്ത് ശോഭിച്ചു.
ജയറാമും തന്റെ സംഗീത പാടവം തെളിയിക്കാൻ ഒരുങ്ങുകയാണ് ജോഷി സംവിധാനം ചെയ്യുന്ന
"സലാം കാശ്മീർ" എന്ന ചിത്രത്തിലൂടെ. ചിത്രത്തിലെ'കണ്ണാടിപ്പുഴയിലെമീനോടും കുളിരിലെ എന്ന ഡ്യൂയറ്റ് സോങ്ങാണ് ജയറാം ആലപിച്ചത്.ശ്വേത  മേനോൻ   ആണ് ജയറാമിനൊപ്പം പിന്നണി പാടിയത്.
റഫീക്ക് അഹമ്മദിന്റെ വരികള്‍ക്ക് എം.ജയചന്ദ്രനാണ് സംഗീതം നല്കിയത്.

ജയറാം ഇതിനു മുൻപ് 3ചിത്രങ്ങളിൽ പാടിയിട്ടുണ്ട്.
കഥാനായകൻ, മയിലാട്ടം, എന്റെ വീട് അപ്പൂന്റെയും  എന്നിവയാണ് ജയറാം ഗാന സംഭാവന നല്കിയ ചിത്രങ്ങൾ.

ജയറാം - ജോഷി ചിത്രം "സലാം കാശ്മീർ"

ജയറാം - ജോഷി ചിത്രം  ആയ സലാം കാശ്മീരിന്റെ   ആദ്യ ഷെഡ്യൂൾ പൂർത്തിയായി.
രണ്ടാം ഷെഡ്യൂൾ കാശ്മീരിൽ അടുത്ത മാസം ആരംഭിക്കും.ഷാജി  എൻ കരുണ്‍ ചിത്രം ആയ
സ്വ പാനത്തിന്റെ ഷൂട്ടിംഗ് പൂർത്തിയാക്കിയതിനു ശേഷം ആകും ജയറാം ഈ ചിത്രത്തിൽ തുടർന്ന് അഭിനയിക്കുക.സേതുവിന്റെതാണ്  ചിത്രത്തിന്റെ തിരക്കഥ .
ചിത്രത്തിൽ സുരേഷ് ഗോപിയും ഒരു പ്രധാന വേഷം ചെയ്യുന്നു. കിംഗ്‌ ആൻഡ്‌ കമ്മീഷണർ  എന്നാ ചിത്രത്തിന് ശേഷം ഇത് ആദ്യമായാണ് സുരേഷ് ഗോപി ഒരു മലയാളം ചിത്രത്തിൽ അഭിനയിക്കുന്നത് .
 

ജയറാം - ഷാജി എൻ കരുണ്‍ ചിത്രം - സ്വ പാനം

ജയറാം - ഷാജി എൻ കരുണ്‍ ചിത്രം - സ്വ പാനത്തിന്റെ ഷൂട്ടിംഗ്  പാലക്കാട് പുരോഗമിക്കുന്നു. മദ്യപാനിയായ ഒരു ചെണ്ടക്കാരന്റെ വേഷം ആണ് ജയറാം അവതരിപ്പിക്കുന്നത്‌.ജയറാമിന്റെ കരിയറിൽ ലഭിച്ചിട്ടുള്ളതിൽ വെച്ച് ഏറ്റവും ശക്തമായ വേഷം ഇതായിരിക്കുമെന്ന് കരുതപെടുന്നു.ജയറാമിന് ഒപ്പം സിദ്ധിക്, ഒടിസി നർത്തകിയായ കാദംബരി എന്നിവർ പ്രധാന വേഷങ്ങൾ കൈകാര്യം ചെയ്യുന്നു .ചോവല്ലുർ കൃഷ്ണൻ കുട്ടി യുടെതാണ്  തിരക്കഥ .

"ഭാര്യ അത്ര പോര " 30 ദിവസം പിന്നിട്ടു.

ജയറാം- അക്കു അക് ബർ  ടീമിന്റെ  " ഭാര്യ അത്ര പോര " മേജർ സെന്റർ കളിൽ  30 ദിവസം പിന്നിട്ടു.  30 ദിവസം കൊണ്ട്  5 കോടിയോളം രൂപ ആണ് ഈ വിജയ ചിത്രം കളക്ട്  ചെയ്തത്.
വെറുതെ ഒരു ഭാര്യ  എന്നാ മെഗാ ഹിറ്റ്‌ ചിത്രത്തിന്റെ അണിയറ പ്രവർത്തകർ വീണ്ടും ഒരുമിച്ച ഈ ചിത്രം കേരളത്തില വിജയ കോടി പാറിച്ചു കഴിഞ്ഞു.ജയറാമിന് മാത്രം കഴിയുന്ന ഒരു റോൾ ആയിരുന്നു ഈ ചിത്രത്തിൽ ജയറാം അവതരിപ്പിച്ച  സത്യനാഥൻ  എന്ന സ്കൂൾ മാഷ്.തന്റെ തനതു മാനറിസങ്ങൾ കൊണ്ട് തന്നെ ജയറാം ആ റോൾ മികവുറ്റത് ആക്കി. ഗോപികയുടെ മടങ്ങി വരവ് ആണ് എടുത്തു പറയത്തക്ക മറ്റൊരു പ്രത്യേകത .ജയറാം - ഗോപിക ദമ്പതികളുടെ മകനായി അഭിനയിച്ച കുട്ടിയും നന്നായി.സിദ്ധിക്ക് , ബാലചന്ദ്രൻ ചുള്ളികാട് , അജു  വർഗിസ്‌ , ജയരാജ്‌  വാര്യർ എന്നിവര് തങ്ങളുടെ റോളുകൾ ഭംഗിയാക്കി.പക്ഷെ ശ്യാം ധർമ്മൻ ന്റെ മ്യൂസിക്‌ വേണ്ട  രീതിയിൽ ചിത്രത്തിന് ഗുണം ആയില്ല.